“მთის ექიმი ჩრდილო-აღმოსავლეთ საქართველოდან” – The Guardian-ი თუშ ექიმზე წერს

“მთის ექიმი ჩრდილო-აღმოსავლეთ საქართველოდან” – The Guardian-ი 81 წლის ქართველ ექიმზე, ირაკლი ხვედაგურიძეზე ფოტორეპორტაჟს აქვეყნებს.

მედია ორგანიზაცია ვრცელ მასალას ავრცელებს ირაკლი ხვედაგურიძეზე.

“81 წლის ირაკლი ხვედაგურიძე ერთადერთი ლიცენზირებული ექიმია მთიან რეგიონში, რომელიც თუშ ხალხს ემსახურება. ზაფხულსა და ადრე შემოდგომაზე ის პაციენტებთან საკუთარი თეთრი ცხენით, “ბიჭოლათი” მიდის. როცა თოვლი მოდის, ხვედაგურიძე ფეხსაცმელს არყის ფიცრებზე მიჭედებული ტილოს საშუალებით თხილამურებად აქცევს. ხოლო, როცა მუხლამდე თოვლია, მას მხოლოდ ფეხით გადაადგილების შესაძლებლობა აქვს” – წერს გამოცემა და ფოტოებს აქვეყნებს.