თელავში მუნიციპალური ტრანსპორტის მოძრაობის გრაფიკი დროებით შეიცვალა
თელავის მუნიციპალიტეტში მუნიციპალური ტრანსპორტის მოძრაობის გრაფიკი დროებით შეიცვალა.
თელავის სატრანსპორტო სამსახურის ინფორმაციით, წყალმომარაგების სისტემის სარეაბილიტაციო სამუშაოების გამო, მუნიციპალური ტრანსპორტის მოძრაობის გრაფიკში დროებითი ცვლილებაა.
,,გადაკეტილია ჭავჭავაძის ქუჩის ნაწილი, რის გამოც მუნიციპალური ტრანსპორტი იმოძრავებს შემოვლითი გზით – აღმაშენებელისა და სულხანიშვილის ქუჩების მიმართულებით”, – აცხადებს სატრანსპორტო სამსახური.