ლაგოდეხში, ერთ ქუჩაზე ხუთ მანქანას საბურავები დაუზიანეს
ლაგოდეხში, თავისუფლების ქუჩაზე, ჯერ-ჯერობით დაუდგენელმა პირებმა, 5 ავტომობილი დააზიანეს.
არსებული ინფორმაციით, დაზიანებულია სახანძრო-სამაშველო სამსახურის თანამშრომლების 2 და საერთო საცხოვრებლის ეზოში სამი ავტომობილის საბურავები. როგორც დაზარალებულები ამბობენ, ავტომობილებს საბურავები აქვს გაჭრილი, ერთ-ერთ-ს კი გარეგანი დაზიანებები აქვს. კიდევ ერთი ავტომობილი დააზიანეს ლაგოდეხის მუნიციპალიტეტის სოფელ ცოდნისკარში. მანქანას საქარე მინა აქვს ჩამტვრეული.
შემთხვევის ადგილზე მუშაობენ პოლიციის თანამშრომლები. მიმდინარეობს ვიდეოსათვალთვალო კამერების ჩანაწერების შესწავლა, დაზარალებულების და ადგილობრივების გამოკითხვა.