ყვარელში ავტოსაგზაო შემთხვევას მამაკაცის სიცოცხლე ემსხვერპლა
ყვარლის მუნიციპალიტეტში, სოფელ სარუსოსთან, ავტოსაგზაო შემთხვევის შედეგად მამაკაცი გარდაიცვალა.
მსუბუქი ავტომანქანა, რომელშიც სამი მგზავრი იმყოფებოდა, ხევში გადავარდა. ავარიის შედეგად, ერთი მგზავრი გარდაიცვალა, ორი დაშავდა. ექიმების შეფასებით, ერთ-ერთი დაშავებულის მდგომარეობა მძიმეა.
გამოძიება მომხდარ ფაქტზე, სისხლის სამართლის კოდექსის 276-ე მუხლით დაიწყო, რაც ტრანსპორტის ექსპლუატაციის და მოძრაობის უსაფრთხოების წესების დარღვევას გულისხმობს.