ნაზი დაქიშვილს ტოლერანტობის მცველის ჯილდო გადაეცა

ახმეტის მუნიციპალიტეტში, პანკისის ხეობაში მცხოვრებ მეწარმეს ნაზი დაქიშვილს ტოლერანტობის მცველის ჯილდო 2022 ტოლერანტობის ცენტრმა სახალხო დამცველის ოფისის ეგიდით გადასცა.
Nazy’s Guest House-ისა და პანკისის ხეობის ტურიზმისა და განვითარების ასოციაციის (PVTDA) ერთ-ერთი მთავარი მიზანი და მუშაობა იყო მდგრადი ეკოტურიზმის განვითარების წინამძღოლობა პანკისის ხეობის ქისტ თემთან ხალხის გაერთიანების მიზნით და არასასურველი ეთნიკურ-რელიგიური უმცირესობების ჯგუფი.

ნაზი დაქიშვილი, მეწარმე

,,მდგრადი ტურიზმი ძალიან მნიშვნელოვან როლს ასრულებს სხვადასხვა ხალხსა და კულტურას შორის ურთიერთტოლერანტობისა და პატივისცემის ჩამოყალიბებაში და ამით ეხმარება შექმნას სოციალური ჰარმონია, ერთიანობა და მშვიდობა. ჩვენი მუშაობა პანკისის ხეობაში მდგრადი ტურიზმის განვითარებისთვის ეფუძნება და ხელმძღვანელობს ტოლერანტობის, პატივისცემისა და თანასწორობის ღირებულებებსა და პრინციპებს.
გვსურს მადლობა გადავუხადოთ საქართველოს სახალხო დამცველთან არსებულ ტოლერანტობის ცენტრს ამ ჯილდოსთვის ჩვენი შრომის აღიარებისთვის, რომელიც მიმართულია მდგრადი ტურიზმის გზით სხვადასხვა კულტურის, რელიგიის, ეთნიკური და ეროვნების ადამიანების დაკავშირების გზით უფრო მეტი ტოლერანტობისა და პატივისცემის გაღრმავებისკენ”, – აცხადებს knews.ge–სთან ნაზი დაქიშვილი.
სახალხო დამცველის მოადგილის თამარ გვარამაძეს თქმით, პრობლემები რომლებზეც წლებია სახალხო დამცველი საუბრობს, საფრთხეს უქმნის საქართველოს მოქალაქეების თანასწორუფლებიანობას და კეთილდღეობას.
აღნიშნა, რომ კვლავ გადაუჭრელია საბჭოთა პერიოდში ჩამორთმეული რელიგიური ნაგებობების რესტიტუციის საკითხი; კვლავაც გადაულახავი პრობლემაა რელიგიური ნიშნით ძალადობის ფაქტებზე ეფექტური და შედეგიანი გამოძიების წარმართვა, წლების განმავლობაში დაგროვებული ასეულობით საქმიდან ერთი-ორი გამონაკლისის გარდა, უმრავლესობა უშედეგოდაა შეჩერებული ან შეწყვეტილი.
„საქართველოში დღემდე არიან ადამიანები, რომლებიც მალავენ თავიანთ ეთნიკურ წარმომავლობას, იცვლიან გვარსა და ეროვნებას, რადგან არ სურთ იყვნენ სეგრეგირებული და მეორეხარისხოვნად მიჩნეული მოქალაქეები. პროცენტულად კიდევ უფრო მეტია იმ ადამიანთა რაოდენობა, ვინც არ ამხელს თავის აღმსარებლობას.
რა უნდა დავუპირისპიროთ ამას? – ადამიანის უფლებების მტკიცე და შეუვალ დაცვასთან ერთად ასევე, აუცილებელია სიძულვილის ამ პროპაგანდის წინააღმდეგ ბრძოლაც, იმ განწყობის ტრანსფორმაციაზე მუშაობა, რომლის თანახმადაც ადამიანის უფლებები, ტოლერანტობა, რელიგიისა თუ გამოხატვის თავისუფლება, ლიბერალური დემოკრატია ჩვენი ქვეყნისთვის უცხო და საზიანო ფენომენებია.
ამ თვალსაზრისით, აუცილებელია ჩვენი ისტორიის, ჩვენი ტრადიციისა და კულტურის შესწავლა და სრულფასოვანი წარმოჩენა.
იმედი მაქვს, რომ ჩვენ, კეთილი ნების ადამიანები, შევძლებთ კონსოლიდაციას უზენაესი ღირებულებისა და მიზნის გარშემო და ჩვენი ქვეყნის ისტორიაში ალბათ ერთ-ერთ ყველაზე უფრო კრიტიკულ მომენტში თავისუფლებისა და თანასწორობის, ლიბერალური დემოკრატიის გზით მსვლელობას გავაგრძელებთ“, – განაცხადა თამარ გვარამაძემ.