საგარეჯოში ფეინტბოლის შეჯიბრი გაიმართება

21 ოქტობერს, საგარეჯოს მუნიციპალიტეტის განათლების კულტურის ძეგლთა დაცვის სპორტისა და ახალგაზრულ საქმეთა სამსახურის ორგანიზებით, გაიმართება ფეინტბოლის შეჯიბრი, სადაც მონაწილეობა შეუძლია 16-29 წლამდე ახალგაზრდებს.

შეჯიბრის წესების მიხედვით, გუნდში შესაძლებელია იყოს 5 ადამიანი. საგარეჯოს მუნიციპალიტეტის მერიაში აცხადებენ, რომ განაცხადების მიღება უკვე დაიწყო.

,,მონაწილე გუნდების მაქსიმალური რაოდენობა შეზღუდულია და არ უნდა აღემატებოდეს 12 გუნდს. თამაში ჩატარდება ღია სივრცეში. ადგილისა და დროის შესახებ მონაწილეებს დამატებით ეცნობებათ. გუნდების განაცხადებისა და დამატებითი ინფორმაცისთვის დარეკეთ ნომერზე: 591-17-17-64”,– აცხადებენ უწყებაში.