შრომის ბაზარზე ხელფასის მიმღები პირების უმეტესობის ანაზღაურება ქვეყნის საშუალო ხელფასზე დაბალია

აგვისტოში საქართველოში ხელფასი 845 ათასზე მეტ პირს ჩაერიცხა. შრომის ბაზარზე ხელფასის მიმღები პირების უმეტესობის ანაზღაურება ქვეყნის საშუალო ხელფასზე დაბალია.

ასე მაგალითად 162 ათასზე მეტი პირის ანაზღაურება 500 ლარზე დაბალია. ყველაზე დიდ კატეგორიას ის პირები შეადგენენ ვისი ანაზღაურებაც თვეში აღემატება 1200 ლარს და ნაკლებია 2400 ლარზე (დაუბეგრავი). მსგავსი პირების რაოდენობა 246 ათასს შეადგენს.

შრომის ბაზარზე არიან ისეთი პირებიც ვისი ხელფასიც წლიურად მილიონ ლარს სცდება. აგვისტოში მსგავსი პირების რაოდენობა 209-ს შეადგენდა. თვეში 80 ათას ლარზე მეტი ხელფასი 28 პირს ერიცხებოდა. შემოსავლების სამსახურის სტატისტიკის მიხედვით, თვეში 100 ათას ლარზე მეტ ანაზრაურებას კი 181 პირი იღებდაჯამში 181-მა პირმა ერთ თვეში 76 მლნ ლარის ანაზღაურება მიიღო, ეს თანხა კი იმაზე მეტია ვიდრე 196 ათას 396 პირის მიერ აღებული ხელფასი. კერძოდ სწორედ ამდენი პირი იღებს საქართველოში თვეში 600 ლარზე დაბალ ხელფასს და მათ ერთ თვეში ჯამში 66 მლნ ლარის ანაზღაურება ჩაერიცხათ.

წყარო: gbc.ge