თელავის ისტორიულ მუზეუმში ირა ხეცოიძის ნამუშევრების გამოფენა გაიხსნება

10 აგვიტოს, 14:00 საათზე, თელავის ისტორიული მუზეუმის დროებით საგამოფენო სივრცეში გაიხსნება ირა ხეცოიძის ნამუშევრების გამოფენა.

ირა ხეცოიძე არის საქართველოს მხატვართა ლიგის წევრი. ბავშობიდან ხატავს, ქსოვს, ქარგავს ქართულ ტრადიციულ ნიმუშებს. მისი ნახატები შესულია კატალოგებში და კერძო კოლექციებში. დამთავრებული აქვს მოსე თოიძის სამხატვრო სასწავლებელი მეხალიჩის განხრით.

ასევე, დამთავრებული აქვს კოლეჯი ,,აისი”, არის თექის და მხატვრული ქსოვილების ოსტატი. გავლილი აქვს მინანქრის სპეციალობა. ჰქონდა ერთი პერსონალური გამოფენა, ასევე მონაწილეობა აქვს მიღებული რამდენიმე ჯგუფურ გამოფენაში. მუშაობს თელავის კულტურისა და დასვენების პარკ-,,ნადიკვარი” -ს დეკორატორად და კოლეჯ ,,აისში” გრაფიკისა და ფერწერის მასწავლებლად.