დღეს ევროპის მოედანზე აქციას ევროკავშირის ელჩი დაესწრება

დღეს, 16 ივნისს, ევროპის მოედანზე ევროკავშირის მხარდამჭერ აქციას საქართველოში ევროკავშირის ელჩი კარლ ჰარცელი დაესწრება.

საქართველოს პრეზიდენტმა სალომე ზურაბიშვილმა 14 ივნისს, ორბელიანის სასახლეში გამართულ ბრიფინგზე, საზოგადოებას 16 ივნისს თბილისში ევროპის მოედანზე შეკრება შესთავაზა.

“დავინახოთ ერთმანეთი და დავანახოთ ევროპას ჩვენი თავი – ჩვენი ერთობა, ჩვენი ნება,”- განაცხადა სალომე ზურაბიშვილმა.

აღსანიშნავია, რომ პრეზიდენტმა აქციაზე ევროკავშირისა და ევროკავშირის წევრი ქვეყნების ელჩებიც მიიწვია.