საარსებო მინიმუმი 4.1 ლარით გაიზარდა

2022 წლის მაისში წინა თვესთან შედარებით, საარსებო მინიმუმი 4.1 ლარით, გაიზარდა.

სტატისტიკის ეროვნული სამსახურის ინფორმაციით, გასულ თვეს შრომისუნარიანი ასაკის მამაკაცის საარსებო მინიმუმი 245.1 ლარს შეადგენდა, მაშინ როცა 2022 წლის აპრილში ეს მაჩვენებელი 241 ლარი იყო.

2021 წლის ანალოგიურ პერიოდთან შედარებით კი, 2022 წლის მაისში შრომისუნარიანი ასაკის მამაკაცის საარსებო მინიმუმი 39.5 ლარით არის გაზრდილი. 2021-ის მაისში საარსებო მინიმუმი 205.6 ლარს შეადგენდა.

ამასთან, „საქსტატის“ მონაცემებით, მაისში აპრილთან შედარებით, 3.5 ლარით გაიზარდა საშუალო მომხმარებლის საარსებო მინიმუმიც და 213.5 ლარის ნაცვლად, 217 გახდა. რაც შეეხება 2021 წლის ანალოგიურ პერიოდს, 2021-ის მაისში საშუალო მომხმარებლის საარსებო მინიმუმი 182.1 ლარს შეადგენდა.

ცნობისთვის, საარსებო მინიმუმი დგინდება მინიმალური სასურსათო კალათის საფუძველზე. მინიმალური სასურსათო კალათა არის კვების პროდუქტების განსაზღვრული ნორმატიული კალათა, რომელიც შეიცავს შრომისუნარიანი ასაკის მამაკაცის ნორმალური სიცოცხლისა და შრომისუნარიანობისათვის ფიზიოლოგიურად აუცილებელი საკვების რაოდენობას, მისი შემადგენელი ელემენტების (ცილების, ცხიმების და ნახშირწყლების) და კალორიულობის მინიმალურ ოდენობას.