ლენინის ბიუსტი წინანდლის მუზეუმის ეზოდან
თელავის მუნიციპალიტეტში, სოფელ წინანდლის მუზეუმის ეზოში ლენინის ბიუსტია განთავსებული.
როგორც მუზეუმის სამეცნიერო განყოფილების წარმადგენლებმა knews.ge-ს განუცხადეს, ბიუსტი მუზეუმში დროებით ინახება.
“ლენინის აღნიშნული ბიუსტი წინანდლის ბაღის ტერიტორიაზე სსრკ-ს დაშლის შემდეგ აღმოჩნდა. მაშინ დროებითი შენახვის მიზნით დავიტოვეთ როგორც საბჭოთა მონუმენტური ქანდაკების ნიმუში, როგორც მოგეხსენებათ, მასალა ბაზალტია და მყარია.
რაც შეეხება ამჟამინდელ მდგომარეობას, ჩვენ, მუზეუმი არ ვგეგმავთ ლენინის ქანდაკების აღმართვას, და თუ სამინისტრო ინებებს შეეძლებათ სხვაგან გადატანა. ჩვენ მხოლოდ დროებით ვინახავთ, სანამ სახელმწიფო სტრუქტურები სხვა ფუნქციას მოუძებნიან”,-განაცხადეს მუზეუმის სამეცნიერო განყოფილებაში.