თელავის საკრებულომ სოციალური, კულტურული და სპორტული პროგრამები დაამტკიცა

თელავის მუნიციპალიტეტის საკრებულომ ძეგლთა დაცვის, სპორტულ-ახალგაზრდული, კულტურულ-საგანმანათლებლო, ჯანდაცვისა და სოციალურ საკითხთა პროგრამები დაამტკიცა.

საკრებულოში განმარტავენ, რომ მოსახლეობის ჯანმრთელობის დაცვისა და სოციალური უზრუნველყოფის მიმართულებით ბიუჯეტში 2 მიოლიონ 800 ათას ლარზე მეტია გამოყოფილი, რაც გასული წლის ანალოგიურ პერიოდთან შედარებით 13%-ით არის გაზრდილი.

,,პროგრმა ითვალისწინებს 0-1 წლამდე ასაკის ბავშვთა ხელოვნური კვების პროდუქტებით, მრავალშვილიანი ოჯახების, საქართველოს ტერიტორიული მთლიანობისათვის მებრძოლ შშმ პირთა 18 წლამდე შვილებისა და 1989 წლის 9 აპრილს დაზარალებულ პირთა დახმარებას, სამედიცინო დანიშნულების დამხმარე საშუალებების ან/და მედიკამენტებისა და ასევე ონკოლოგიურ (ავთვისებიანი სიმსივნე) პაციენტთა სამედიცინო მომსახურების, მკურნალობისათვის საჭირო მედიკამენტების ან/და სამედიცინო დანიშნულების დამხმარე საშუალებების დაფინანსებას.

კულტურულ-საგანმანათლებლო პროგრამის ფარგლებში დაფინანსდება გონიო-აფსაროსის მუზეუმ-ნაკრძალში საჯარო და კერძო სკოლების წარჩინებული მოსწავლეების/შესაბამისი პროფილის მასწავლებლების არქეოლოგიური ბანაკი, კულტურის სფეროში მოღვაწე ხელოვანთა შემოქმედების პოპულარიზაციის მიზნით შესაბამისი ღონისძიებები და კულტურული ინიციატივები. სპორტულ-ახალგაზრდული პროგრამა კი ითვალისწინებს ახალგაზრდული ბანაკის, ახალგაზრდული პროექტების/ინიციატივების და ამ მიმართულებით სხვა მიზნობრივი ღონისძიებების დაფინანსებას”,– განაცხადეს თელავის მუნიციპალიტეტის საკრებულოში.