3 ნოემბერს “რუსთავი-თელავი-ჟინვალის” მაგისტრალური გაზსადენის სარემონტო-სარეაბილიტაციო სამუშაოები განხორციელდება

შპს “საქართველოს გაზის ტრანსპორტირების კომპანია” მიმდინარე წლის 3 ნოემბერს “რუსთავი-თელავი- ჟინვალის” 300მმ-იანი მაგისტრალური გაზსადენის 96.7კმ- სა და 108.8 კმ-ებს შორის სარემონტო-სარეაბილიტაციო სამუშაოებს განახორციელებს.
ამის შესახებ ინფორმაციას “საქართველოს გაზის ტრანსპორტირების კომპანია” ავრცელებს.

“აღნიშნული სამუშაოებიდან გამომდინარე მიმდინარე წლის 3 ნოემბერს 06:00-დან 17:00 საათამდე, გაზის მიწოდება შეეზღუდებათ, ყვარელსა და ყვარლის მუნიციპალიტეტის შემდეგ სოფლებს: ახალსოფელს, მთისძირს, გავაზს, სანავარდოს, კუჭატანს, წიწკანაანთსერს, ჭიკაანს, ზინობიანს, შილდას, ენისელს, გრემს, საცხენეს, სარუოს, თხილისწყაროს, გრძელჭალას, ჩანტლისყურეს, შაქრიანს, საბუეს, თივსა და ალმატას”, – ნათქვამია ინფორმაციაში.