როგორია ეპიდსიტუაცია თელავის საჯარო სკოლებში
კორონავირუსის დაფიქსირების გამო თელავის მუნიციპალიტეტში 6 საჯარო სკოლა სწავლების დისტანციურ რეჟიმზე გადავიდა.
თელავის საგანმანათლებლო რესურსცენტრის ხელმძღვანელის ლევან მრელაშვილის ინფორმაციით, თითქმის ყველა საჯარო სკოლა ჰიბრიდულ სწავლებაზეა გადასული.
,,თელავის მუნიციპალიტეტის სკოლების ნაწილი გადასულია დისტანციური სწავლების რეჟიმზე. უმეტესობაში კი სწავლა შერეული მეთოდით მიმდინარეობს.
სრულად დისტანციურზე გადასულია 6 სკოლა დანარჩენი 21 სკოლა კი შერეული მეთოდით მუშაობს. ესენია ძირითადად ის კლასები, სადაც პედაგოგებს ან მოსწავლეებს ვირუსი დაუფიქსირდათ.
რაც კარგია, ამ კვირაში მოსწავლეების, მშობლების და პედაგოგების მხრიდან დისტანციური სწავლების რეჟიმზე გადასვლასთან დაკავშირებით, მომართვიანობა ნაკლებია”,-განუცხადა knews.ge-ს ლევან მრელაშვილმა.