საავადმყოფოებმა გეგმიური სერვისები შეაჩერეს

მინისტრის ბრძანებით, საავადმყოფოებმა ე.წ. გეგმიური სერვისები შეაჩერეს, – ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.

„რაც შეეხება საწოლების რაოდენობას, დღეს საავადმყოფოებში არის 5 000-ზე ოდნავ მეტი ადამიანი. ჯერ-ჯერობით ჯანდაცვის სისტემა უძლებს ამ დაწოლას. შემოდგომაზე 7 500 – 8 000-მდე საწოლი გვქონდა მობილიზებული, ამიტომ რესურსი ჯერ-ჯერობით ჯანდაცვის სისტემას აქვს.

მინისტრის ბრძანებით გაჩერდა ე.წ. გეგმიური სერვისების განხორციელება საავადმყოფოებში და ისინი გადადიან მხოლოდ ურგენტულ მუშაობაზე. შესაბამისად, მოხდება საწოლფონდის კიდევ უფრო მეტად გამოთავისუფლება“, – განაცხადა ამირან გამყრელიძემ.