სოფელ ველისციხის ცენტრალური ნაწილის რეაბილიტაცია იწყება

გურჯაანის  მუნიციპალიტეტის მერიის ინფორმაციით, სამუშაოებზე ტენდერი 4 ივნისს გამოცხადდა და წინადადებების მიღება 16 ივლისს დასრულდება.

,,საქართველოს მუნიციპალური განვითარების ფონდმა სამუშაოებზე ტენდერი გამოაცხადა, რომლის სავარაუდო ღირებულება 30 370 385 ლარია. მასშტაბური პროექტი, რომლის ფარგლებშიც რეაბილიტაცია-რეკონსტრუქცია ჩაუტარდება სოფელ ველისციხის ცენტრალურ ქუჩაზე მდებარე 55-მდე საცხოვრებელ სახლს, ველისციხის თეატრს, მოედანს და პარკს აზიის ინფრასტრუქტურის საინვესტიციო ბანკი აფინანსებს”,- განაცხადეს გურჯაანის მუნიციპალიტეტის მერიაში.