ლაგოდეხის ,,არქიმედეს” კლინიკაში კორონავირუსით მამაკაცი გარდაიცვალა

ლაგოდეხის ,,არქიმედეს” კლინიკაში, კორონავირუსით ინფიცირებული მამაკაცი გარდაიცვალა.

არსებული ინფორმაციით, პაციენტს კოვიდ- კლინიკაში რამდენიმე დღის განმავლობაში მკურნალობდნენ. ექიმების განმარტებით, იოსებ დოლენჯაშვილს, ინსულტი ჰქონდა გადატანილი და მისი ჯანმრთელობის მდგომარეობა რთული იყო.

სექტემბრიდან დღემდე, რეგიონში გარდაცვლილია 125 პაციენტი. დღეს კახეთში კორონავირუსის 57 დადასტურებული შემთხვევა გამოვლინდა. აქედან 12 ინფიცირებულია ახმეტაში, გურჯაანში-0, დედოფლისწყაროში -0, თელავში -16, ლაგოდეხში- 13, საგარეჯოში -10, სიღნაღში -1, ხოლო ყვარელში -5.

პანდემიის დაწყებიდან დღემდე, რეგიონში ინფიცირების სულ 13291 შემთხვევა დადასტურდა. აქედან ყველაზე მეტი, 3061 შემთხვევა გურჯაანში, 2929 თელავში, ხოლო 1930 ლაგოდეხშია დაფიქსირებული.

დღევანდელი მდგომარეობით რეგიონში მკურნალობას 705 პაციენტი გადის, მათ შორის 584 დატოვებულია ბინაზე სამკურნალოდ, ხოლო 121 იმყოფება კოვიდ კლინიკაში. კახეთში კორონავირუსი სულ 12462 – მა პაციენტმა დაამარცხა.