კახეთში კორონავირუსით 124-ე პაციენტი გარდაიცვალა

კახეთის რეგიონში კორონავირუსით 124-ე პაციენტი გარდაიცვალა.

74 წლის ქალი მკურნალობის კურსს საგარეჯოს “ჯეო ჰოსპიტალსის” კლინიკაში გადიოდა.

დაავადებათა კონტროლის ეროვნული ცენტრის ინფორმაციით, დღეს რეგიონში კორონავირუსის 71 ახალი შემთხვევა გამოვლინდა და მონაცემები 12 946-მდე გაიზარდა.

სპეციალისტებმა ახალი ინფიცირებულების 135 კონტაქტი უკვე მოიძიეს.

ბოლო ინფორმაციით, რეგიონში თვითიზოლაციაში 954 პირი იმყოფება.