სოფელ ლაფანყურში ხანძარია
ხანძარია თელავის მუნიციპალიტეტის სოფელ ლაფანყურში.
არსებული ინფორმაციით, სოფელთან დაახლოებით ნახევარ კილომეტრში, ერთ ჰექტარ ფართობზე, ეკალ- ბარდი იწვის.
შემთხვევის ადგილზე მობილიზებულია სახანძრო-სამაშველო სამსახურის რამდენიმე ეკიპაჟი.
ცეცხლის დასახლებულ პუნქტზე გადასვლის თავიდან ასაცილებლად, ხანძრის ლოკალიზებას, მეხანძრე -მაშველებთან ერთად ადგილობრივებიც ცდილობენ.
ცეცხლის გაჩენის მიზეზი ამ ეტაპზე უცნობია.