ალავერდში საშობაო ალილო მრევლის გარეშე ჩატარდება

აბბა ალავერდელი მიტროპოლიტის გადაწყვეტილებით , პანდემიის ფონზე საშობაო ალილო ახალი წესებით და მრევლის გარეშე ჩატარდება.
მეუფე დავითის განმარტებით, მსვლელობაში მონაწილეობას მხოლოდ სასულიერო პირები და სტიქაროსნები მიიღებენ.

“რეგულაციები ძალაშია, ადგილზე მონიშვნებია, მრევლი პირბადით მოვა მსახურების დროს , დაიცავენ დისტანციას. ღამის 12:00 საათზე დავიწყებთ სადღესასწაულო მსახურებას, პურის კურთხევას, ცისკარს- ჟამობასა და წირვას. ალბათ ვინც მოვა ტაძარში ყველას ექნება ზიარებაზე კურთხევა.

საშობაო ალილოზე მრევლი არ იქნება , მეტწილად იქნებიან სასულიერო პირები და მათი დამხმარე სტიქაროსნები, მცირე გუნდი, რომელიც ოჯახებთან კი მივლენ, მაგრამ დიდხანს დაყოვნება და საუბარი არ იქნება. შეგროვებული ნობათი კი გადაეცემათ სოციალურად დაუცველებს. “- აღნიშნა მეუფე დავითმა.