თელავში სამგზავრო ავტობუსები გამოჩნდა – ფოტოები

თელავს პირველ ეტაპზე 5 ახალი ავტობუსი გადაეცა.

მეორე ეტაპზე კი მუნიციპალიტეტს დამატებით 5 ავტობუსი გადაეცემა, მთლიანობაში კი მალე თელავს 40 ავტობუსი ექნება, რომელიც როგორც ქალაქს, ასევე მუნიციპალიტეტს მოემსახურება.

საერთაშორისო სამგზავრო ავტობუსები გათვლილი იქნება 60 მგზავრზე და ასევე ადაპტირებული იქნება შშმ პირებისთვის.

თელავის მერიის ინფორმაციით, პირველ ეტაპზე 10 ავტობუსი ქალაქის ტერიტორიაზე იმოძრავებს, მეორე ეტაპზე კი 25- მდე ავტობუსი შემოვა და მთლიანად მუნიციპალიტეტს მოემსახურება.

,,წლის ბოლომდე კი გვექნება ათი ავტობუსი, რომელიც გათვალისწინებულია მხოლოდ ქალაქისთვის. მეორე ეტაპი კი ითვალისწინებს 25-მდე ავტობუსის გადმოცემას. ისინი მოემსახურებიან მთლიან მუნიციპალიტეტს. აქტიურად დროისთვის მიმდინარეობს, გაჩერებებისა და მარშრუტების დამუშავება. ასევე მძღოლების გადამზადება”,- განაცხადა შოთა ნარეკლიშვილმა.

პროექტი დაფინანსებულია რეგიონებში განსახორციელებელი პროექტების ფონდის მიერ და მისი ჯამური ღირებულება 1 მლნ. ლარზე მეტია.

დასასრულს უახლოვდება თელავში 40 ავტობუსზე გათვლილი ავტოსადგომის მშენებლობა. სამშენებლო სამუშაოების დასრულება წლის ბოლომდე იგეგმება.