თელავში პნევმატური იარაღით 9 წლის ბიჭი დაჭრეს
თელავის მუნიციპალიტეტის სოფელ კონდოლში პნევმატური იარაღიდან გასროლის შედეგად 9 წლის ბიჭი დაიჭრა.
,, ინტერპრესნიუსის” ინფორმაციით, შემთხვევა ორი დღის წინ იმ დროს მოხდა, როდესაც მოზარდები იარაღით თამაშობდნენ.
ადგილობრივების თქმით, ერთ-ერთმა მოზარდმა შემთხვევით ისროლა.
დაშავებული ბავშვი რეფერალურ სავადმყოფოში მოათავსეს, სადაც ქირურგიული ოპერაცია ჩაუტარდა. მომხდარზე დაწყებულია გამოძიება