დედოფლისწყაროში კორონავირუსით ინფიცირებულ მძღოლს 10 ადამიანთან ჰქონდა კონტაქტი

დედოფლისწყაროში კორონავირუსით ინფიცირებულ მძღოლთან კონტაქტში მყოფი მოქალაქეების რაოდენობა ცნობილია.

როგორც “კახეთის ხმას” დედოფლისწყაროს მუნიციპალიტეტის საზოგადოებრივი ჯანდაცვის ცენტრის ხელმძღვანელმა განუცხადა, კოვიდ-19-ით დაავადებულ მოქალაქესთან კონტაქტი 10 ადამიანს ჰქონდა.

მარიეტა გონაშვილის ინფორმაციით, ლუგარის ლაბორატორიაში ყველა ნიმუში გაგზავნეს, რომლის კვლევის შედეგები ხვალ გახდება ცნობილი.

მოქალაქე, რომლისგანაც დაინფიცირდა საერთაშორისო გადაზიდვების მძღოლი, დედოფლისწყაროს სოფელ ოზაანიდან არის. ის მძღოლს რუსეთიდან გამოჰყვა. მოქალაქე საზღვრის გადმოკვეთისთანავე გადაიყვანეს კარანტინში. მას კახეთის რეგიონში არც ერთ ადამიანთან არ ჰქონია შეხება. ტრაილერის მძღოლი კი თვითიზოლაციაში იმყოფებოდა. მას მაინც ჰქონდა კონტაქტი ოჯახის წევრებთან, რამდენიმე ნათესავთან და ასევე სასწრაფო დახმარების ექიმთან, რადგან მისი მეუღლე შეუძლოდ გახდა, რის გამოც სასწრაფო დახმარების ბრიგადის გამოძახება გახდა საჭირო“, – განაცხადა მარიეტა გონაშვილმა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *