გომბორის გზაზე ავტოსაგზაო შემთხვევა მოხდა

ვაზიანი-გომბორი-თელავის საავტომობილო გზაზე, საგარეჯოს მუნიციპალიტეტს სოფელ პალდოსთან ავტოსაგზაო შემთხვევა მოხდა.

მსუბუქი ავტომანქანის მძღოლმა საჭე ვერ დაიმორჩილა და ხეს შეეჯახა. თვითმხილველების ინფორმაციით, ავარიის შედეგად 1 მამაკაცი მძიმედ დაშავდა.

,,მანქანაში იჯდა 3 მგზავრი. ყველას აქვს დაზიანებები. მანქანის მძღოლს კი ფეხი აქვს მოტეხილი”, – აცხადებენ თვითმხილველები.

სასწრაფო დახმარების ბრიგადამ დაშავებულები საავადმყოფოში გადაიყვანა. ადგილზე მობილიზებულია საპატრულო პოლიცია.

ავტორი: მაკა ხაიზური