სოფელ კისისხევში საცხოვრებელი სახლი დაიწვა

თელავის მუნიციპალიტეტის სოფელ კისისხევში საცხოვრებელი სახლი დაიწვა.

შემთხვევის შედეგად არავინ დაშავებულა. მთლიანად განადგურდა სახლში არსებული საყოფაცხოვრებო ტექნიკა და ნივთები.

knews.ge-ს ინფორმაციით, დამწვარია ოჯახის კუთვნილი სამარშრუტო ავტომობილი. ხანძრის გამომწვევი მიზეზი ამ ეტაპზე უცნობია. მომხდარზე შინაგან საქმეთა სამინისტრომ დაიწყო გამოძიება.

knews.ge მომხდარის დეტალებს არკვევს.