რა დროს არის შესაძლებელი გადაადგილება სასოფლო-სამეურნეო დანიშნულებით დღის მანძილზე
დღეიდან 27 აპრილამდე, სასოფლო-სამეურნეო სამუშაოების განხორციელების მიზნით, უკვე შესაძლებელია მსუბუქი ავტომობილებით გადაადგილება.
როგორც Knews-ს ადგილობრივ მუნიციპალიტეტებში განუცხადეს, გადაადგილება შესაძლებელია მხოლოდ სასოფლო-სამეურნეო სამუშაოების განხორციელების მიზნით.
მომავალი 5 დღის განმავლობაში, მეურნეებს, სავარგულების მიმართულებით გადაადგილება შეუძლიათ დილის 6:00-8:00 საათამდე პერიოდში (იგულისხმება სავარგულებში წასვლა) და ასევე, საღამოს 18:00-19:00-მდე პერიოდში (იგულისხმება სახლში დაბრუნება).
,,ასეთ შემთხვევაში საშვი არ არის საჭირო, მაგრამ მხოლოდ აღნიშნულ საათებში და მხოლოდ სასოფლო-სამეურნეო დანიშნულებით. ავტომანქანების მარშრუტის შემოწმება კი, შემთხვევითობის პრინციპით მოხდება. რეგულაცია არ ითვალისწინებს სხვა ტიპის საჭიროებისას გადადგილებას”.
გადაადგილების დროს დაცული უნდა იყოს ჯანდაცვის სამინისტროს მიერ დადგენილი მსუბუქი ავტომობილით მგზავრთა გადაადგილების უსაფრთხოების წესები (ავტომობილში პირბადეებით იმყოფება არაუმეტეს 3 პირი).
განსხვავებული შემთხვევების არსებობისას მოქალაქეებს შეუძლიათ დარეკონ კახეთის რეგიონის მუნიციპალიტეტების ცხელ ხაზებზე:
საგარეჯოს მუნიციპალიტეტის მერიის ცხელი ხაზი: 5998017
დედოფლისწყაროს მუნიციპალიტეტის მერიის ცხელი ხაზი: 595361235
გურჯაანის მუნიციპალიტეტის მერიის ცხელი ხაზი: 0353220004; 599852200
თელავის მუნიციპალიტეტის მერიის ცხელი ხაზი: 574179623; 597926016
ახმეტის მუნიციპალიტეტის მერიის ცხელი ხაზი: 599857955
ყვარლის მუნიციპალიტეტის მერიის ცხელი ხაზი: 577001343
სიღნაღის მუნიციპალიტეტის მერიის ცხელი ხაზი: 551103999
ლაგოდეხის მუნიციპალიტეტის მერიის ცხელი ხაზი: 595534633