თელავში, კომენდანტის საათის დროს ქალისთვის ხელის თხოვნის გამო, საქმრო და მისი 8 მეგობარი დააჯარიმეს

ე.წ. კო­მენ­დან­ტის სა­ა­თის ფარ­გლებ­ში და­წე­სე­ბუ­ლი შე­ზღუდ­ვე­ბის დარ­ღვე­ვის­თვის თელავის მუნიციპალიტეტის სოფელ ყარაჯალაში პოლიციამ 9 ადამიანი და­ა­ჯა­რი­მა.

გავრცელებული ინფორმაციით, ახალ­გაზ­რდა მა­მა­კა­ცი და მისი 8 მე­გო­ბა­რი სო­ფელ­ში გო­გო­ნას ხე­ლის სა­თხოვ­ნე­ლად მი­ვიდ­ნენ.

ადგილობრივები ჰყვებიან, რომ სასიძომ გოგონას სახლთან გუ­ლის ფორ­მის კო­ცო­ნი აან­თო, თუმცა ხელის თხოვნა ვეღარ მოასწრო, ის და მისი მეგობრები პოლიციამ დააჯარიმა.

ცნობისათვის, სა­გან­გე­ბო მდგო­მა­რე­ო­ბის რე­ჟი­მის დარ­ღვე­ვის გამო დაწესებული ჯარიმა 3000 ლარს შეადგენს.