მშვიდობის კორპუსმა მოხალისეთა დროებითი ევაკუაცია დაიწყო

მშვიდობის კორპუსი შეჩერებს გლობალურ ოპერაციებს და  ყველა მოხალისეს ევაკუაციას იწყებს, რადგან შეშფოთებულია  კორონავირუსის პანდემიის გამო, – ამის შესახებ ინფორმაციას CNN ავრცელებს.

,,რამდენადაც COVID-19 აგრძელებს გავრცელებას და საერთაშორისო მოგზაურობა  უფრო რთული ხდება, ჩვენ ახლა ვმოქმედებთ თქვენი კეთილდღეობის უზრუნველსაყოფად. მოხალისეები მზად არიან დატოვონ თავიანთი მასპინძელი ქვეყნები”, – ამბობს ორგანიზციის დირექტორი ჯოდი ოლსენი.

წერილი განთავსდა მშვიდობის კორპუსის ვებსაიტზე. ოლსენის თქმით, მოხალისეები უკვე ევაკუირებული არიან ჩინეთიდან და მონღოლეთიდან.

”მინდა ხაზგასმით აღვნიშნო, რომ შტაბი რჩება ღია თავისი გეგმებით და ჩვენი პერსონალი მუშაობს 24/7 იმისათვის, რომ მხარი დაუჭიროს ჩვენს თანამშრომლებს საზღვარგარეთ,” – განაგრძობს ოლსენი.

შეჩერება დროებითია, – აცხადებს ოლსენი.

“ჩვენ არ ვხურავთ პოსტს და მზად ვიქნებით დაბრუნებისთვის, როდესაც პირობები ნებადართული იქნება.”

აშშ-ს მოქალაქეებს უკვე მიეწოდა ინსტრუქცია მოგზაურობის შეზუდვის თაობაზე.

„სახელმწიფო დეპარტამენტი ურჩევს აშშ-ს მოქალაქეებს გადახედონ საზღვარგარეთ მგზავრობას Covid-19– ის გლობალური ზემოქმედების გამო. რამაც შეიძლება შეზღუდოს მოგზაურობის მობილურობა, მათ შორისაა კარანტინები და სასაზღვრო შეზღუდვები” , – ნათქვამია განცხადებაში.

მშვიდობის კორპუსის მოხალისეობის პროგრამა აშშ-ს 1960 წლიდან  მოქმედებსდა მიზნად ისახავს საზღვარგარეთ მოხალისეთა მეშვეობით მშვიდობისა და მეგობრობის განვითარებას.