გურჯაანში 45 მილიონ ლარზე მეტი ღირებულების პროექტები განხორციელდება

გურჯაანის მუნიციპალიტეტმა ევროკავშირის დახმარებით პროექტის „მერები ეკონომიკური ზრდისთვის“ ფარგლებში ეკონომიკური განვითარების გეგმა შეიმუშავა, რომელიც სოფლის მეურნეობის, ტურიზმის, დასაქმების და მცირე ბიზნესის განვითარებას და გაძლიერებას შეუწყობს ხელს.
მუნიციპალიტეტის მერის ინფორმაციით, შედგენილია ასევე სამოქმედო გეგმა, რომელიც მოიცავს 18 პროექტის განხორციელებას, რაც 45 მილიონ ლარზე მეტს შეადგენს.
არჩილ ხანდამაშვილის განმარტებით, ყველაზე მეტი თანხა ტურიზმის მიმართულებით დაიხარჯება.
,,ჩამოყალიბებული მიზნებიდან გამომდინარე ფულადი სახსრები გადანაწილებულია შემდეგნაირად: მევენახეობა–მეღვინეობის დარგის პოპულარიზაციისთვის დაიხარჯება თანხის 2.6%, ტურისტული ინფრასტრუქტურის განსავითარებლად -87.8%, მეწარმეობისა და მცირე ბიზნესის ხელშეწყობისთვის – 9.6%”, – განაცხადა არჩილ ხანდამაშვილმა.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *