17:00 საათის მონაცემებით ლაგოდეხის შუალედურ არჩევნებში მონაწილეობა ამომრჩევლების 48%-მა მიიღო

ლაგოდეხში, სოფელ აფენის თემში 4 საარჩევნო უბანზე დარეგისტრირებული 4229 ამომრცევლიდან 17:00 სააღის მონაცემებით არჩევანი 2041-მა ამომრჩეველმა მიიღო, რაც 48.3%-ს შეადგენს.

ლაგოდეხის მე-15 საოლქო საარჩევნო კომისიის თავმჯდომარის, რევაზ გაიპარაშვილის ინფორმაციით, საარჩევნო პროცესი მშვიდ ვითარებაში მიმდინარეობს და დღის განმავლობაში არანაირ გართულებებს ადგილი არ ჰქონია.

არჩევნები 4 უბანზე სოფელ ჭაბუკიანის 2, აფენის 1 და გვიმრიანის 1 საარჩევნო უბნებზე ჩატარდება.

შეგახსენებთ, ლაგოდეხის მუნიციპალიტეტის საკრებულოს გადაწყვეტილებით, საკრებულოს წევრს გია კობახიძეს საზღვარგარეთ საცხოვრებლად წასვლის გამო შეუწყდა უფლებამოსილება და ამ მიზეზით დაინიშნა შუალედური არჩევნები.

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *