სიღნაღში სასტუმრო დაიწვა

სიღნაღში სასტუმრო “ნიკალა” დაიწვა. დამწვარია იქვე მდებარე ღვინის მაღაზიის ნაწილიც. ხანძრის შედეგად მთლიანად განადგურდა სასტუმროს ინვენტარი.

ამ დროისთვის ხანძარი ლოკალიზებულია და მაშველები ცდილობენ ცეცხლის ჩაქრობას. შემთხვევის შედეგად არავინ დაშავებულა. ხანძრის გამომწვევი მიზეზი ჯერჯერობით უცნობია.

მომხდარ ფაქტზე შინაგან საქმეთა სამინისტრომ გამოძიება დაიწყო.

ნიკოლოზ ესიტაშვილი