სიღნაღში 36 წლის მამაკაცი მოკლეს
სიღნაღის მუნიციპალიტეტში, 36 წლის მამაკაცი მოკლეს.
შემთხვევა წუხელ სოფელ ბოდბისხევში მოხდა.
მოკლული ბექა ჭაბაშვილის ოჯახის ინფორმაციით, მეგობრები დაბადების დღეზე იმყოფებოდნენ, რა დროსაც მათ შორის ჯერ სიტყვიერი, შემდეგ კი ფიზიკური დაპირისპირება მოხდა.
ჭაბაშვილს სასიკვდილო დაზიანებები სავარაუდოდ, ბლაგვი საგნით აქვს მიყენებული. ის წნორის არქიმედეს კლინიკაში გადაიყვანეს, თუმცა მისი გადარჩენა ვერ მოხერხდა. დაპირისპირების დროს ორივე პირი ალკოჰოლური ზემოქმედების ქვეშ იმყოფებოდნენ.
