გომბორის საავტომობილო გზაზე შეზღუდვები დაწესდა
გომბორის უღელტეხილზე მოსული თოვლისა და ყინვის გამო შეზღუდვები დაწესდა. ნებადართულია მხოლოდ მაღალი გამავლობისა და ზამთრის საბურავების მქონე ავტომობილების გადაადგილება.
“თელავიდან სოფელ უჯარმამდე მონაკვეთზე გზა იწმინდება და იყრება ტექნიკური მარილი. აღნიშნულ გზაზე შეზღუდვებია, რადგან ცალკეულ მონაკვეთებზე ლიპყინულის გამო არსებობს მოცურების საფრთხე”– განაცხადეს თელავის საგზაო სამმართველოში.