სოფელ ვეჯინში, “ენმ-ს” კოორდინატორის სახლში, სავარაუდოდ, ე.წ. მოლოტოვის კოქტეილი შეაგდეს

„სახლში ვიყავით და სტუმრები გვყავდა. შემთხვევით ჩემმა მეუღლემ ეზოში ჩვენს მანქანასთან დაინახა, რომ რაღაც ანათებდა. იქვე იდგა სტუმრის მანქანაც. გამოიხედა და ნახა, რომ სტუმრის მანქანას ეკიდ​ა ცეცხლი. გადმოგდეს სამი მინის ბოთლი, სადაც შავი ფერის სითხე ესხა. ეს არის პოლიტიკური ანგარიშსწორება. მე ვარ ნაციონალური მოძრაობის კოორდინატორი და წევრი. მმართველი პარტია ცდილობს, რომ დამაშინოს და გააჩეროს, რადგან საპრეზიდენტო არჩევნების პირველი ტური სოფელ ვეჯინში დიდი უპირატესობით მოიგო გრიგოლ ვაშაძემ. “ქართულ ოცნებას” სურს, რომ პოლიტიკური აქტივობა შევწყვიტო, რათა მეორე ტური ამ სოფელში მოიგონ. მოვუწოდებ პროკურატურას, რომ ეს საქმე სწრაფად გამოიძიონ“ – განუცხადა knews.ge-ს ელმირა ბეციაშვილმა.
ნაციონალური მოძრაობის წევრის განცხადებით, მან იცის დანაშაულში მონაწილე სავარაუდო პირების ვინაობა, თუმცა ამ ინფორმაციას პროკურატურაში დაკითხვის დროს გაანღერებს. ელმირა ბეციაშვილის სახლთან მთელი ღამის განმავლობაში მობილიზებულები იყვნენ სამართალდამცავები.

როგორც knews.ge-ს შინაგან საქმეთა სამინისტროში განუცხადეს, გამოძიება მიმდინარეობს საქართველოს სისხლის სამართლის კოდექსის 187-ე მუხლით, რომელიც სხვისი ნივთის დაზიანებას ან განადგურებას გულისხმობს.

ნიკოლოზ ესიტაშვილი