თელავში დავით ბაქრაძის პლაკატები დააზიანეს
თელავში, ქალაქის ცენტრალურ ქუჩებზე, ,,ევროპული საქართველოს” პრეზიდენტობის კანდიდატის პლაკატებს ვლადიმერ პუტინის გამოსახულებით სტიკერები აქვს დაკრული.
დავით ბაქრაძის ზოგიერთ ფოტოზე რუსეთის პრეზიდენტი და “ნაციონალური მოძრაობის” საპრეზიდენტო კანდიდატი გრიგოლ ვაშაძეა გამოსახული.
როგორც knews.ge-ს პარტიის თელავის ოფისის ხელმძღვანელმა, ლელა მენთეშაშვილმა განაცხადა, დავით ბაქრაძის საარჩევნო პლაკატების დაზიანების ფაქტები წინასაარჩევნო და არჩევნების შემდგომ პერიოდებში სხვა მუნიციპალიტეტებსა და რეგიონებშიც დაფიქსირდა.
მისივე თქმით, აღნიშნულ ფაქტებში მონაწილე პირების შესახებ ინფორმაციას არ ფლობენ.
ფოტო: კახა კუპატაძე