პანკისში საფეხმავლო ტურიზმის განვითარება იგეგმება
ტურიზმის ეროვნული ადმინისტრაციის ინფორმაციით, პირველ ეტაპზე უწყება სამთო-საფეხმავლო ბილიკებს გამოიკვლევს. უწყების ცნობით, პროექტის დასრულების შემდეგ პანკისის ხეობა საქართველოს საფეხმავლო ქსელის პროექტის ნაწილი გახდება.
“კვლევა, რომელზეც 57 ათასი ლარის დახარჯვაა გათვალისწინებული, 7 მიმართულებას მოიცავს, ესენია:
1. ჯოყოლო- სათვალთვალო კოშკი- ამფითეატრი- დუისი
2. ხალაწანი- თორღვა პანკელის ციხე
3. ძიბახევი- ბაწარას ნაკრძალი- ტბათანა – საქისტო- ქოჩადალა- ხადორი
4. ჯოყოლო- ძიბახევი- ხადორი- ქოჩადალა – ლამაზური
5. ომალო- ნაქერალა
6. ხადორი – ხორაჯო
7. დუისი მღვიმე – ქვემოხალაწანი”, – განუცხადეს knews.ge-ს ტურიზმის ეროვნულ ადმინისტრაციაში.
უწყებაში აცხადებენ, რომ ტენდერში გამარჯვებული კომპანია ვალდებული იქნება, ამ მიმართულებებზე ტურისტული პოტენციალის ანალიზი და შესაბამისი რუკები მოამზადოს, დეტალურად აღწეროს მარშრუტებზე არსებული ობიექტები, დაგეგმოს ოპტიმალური სვლა-გეზები.