სოფელ ჩუმლაყში ავარიის შედეგად ოთხი ადამიანი დაშავდა
,,ინტერპრესნიუსის” ინფორმაციით, საპირისპიროდ მოძრავი „ჰონდას“ მარკის ავტომანქანები ერთმანეთს შეეჯახა, რის შედეგადაც მგზავრებმა სხეულის სხვადასხვა დაზიანება მიიღეს. დაშავებულები სასწრაფო დახმარების ჯგუფმა გურჯაანის საავადმყოფოში გადაიყვანა.
ექიმების თქმით, პაციენტებს პირველადი სამედიცინო გამოკვლევა უტარდებათ. შემთხვევის ადგილზე სამართალდამცველები იმყოფებიან.
როგორც knews.ge-ს შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართალის კოდექსის 276-ე მუხლის პირველი ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ჯანმრთელობის ნაკლებად მძიმე დაზიანება გამოიწვია.