თუშეთის გზაზე ავარიას ერთი ადამიანი ემსხვერპლა
თვითმხილველების ინფორმაციით, ფშაველი-აბანო-ომალოს დამაკავშირებელ გზაზე მოძრავი მსუბუქი ავტომობილი გზის სავალი ნაწილიდან გადავიდა და ხევში გადავარდა, რომლის შედეგად ახალგაზრდა მამაკაცი ადგილზე გარდაიცვალა, ხოლო ერთი ადამიანი დაშავდა.
,,ინტერპრესნიუსის” ინფორმაციით, დაშავებული პირი სასწრაფო დახმარების ჯგუფმა სხეულის მრავლობითი დაზიანებებით თელავის რეფერალურ საავადმყოფოში გადაიყვანა.
ექიმების თქმით, პაციენტს დამტვრეული აქვს ნეკნები, თუმცა მის სიცოცხლეს საფრთხე არ ექმურება.
როგორც knews.ge-ს შინაგან საქმეთა სამინისტროში განუცხადეს, მომხდარზე გამოძიება დაიწყო საქართველოს სისხლის სამართლის კოდექსის 276-ე მუხლის მე- 5 ნაწილით, რაც ტრანსპორტის მოძრაობის უსაფრთხოების ექსპლუატაციის წესის დარღვევას გულისხმობს, რომელმაც ადამიანის სიცოცხლის მოსპობა გამოიწვია.