არასამთავრობოები – მაჟორიტარული სისტემის შენარჩუნება მიუღებელი და გაუმართლებელია

სამართლიანი არჩევნების აღმასრულებელი დირექტორი მიხეილ ბენიძე სხვა შენიშვნებთან ერთად მიუთითებს ქალთა წარმომადგენლობის ნაკლებობას უმაღლეს საკანონმდებლო ორგანოში, რაც სისტემის ნეგატიური ფაქტორია: 
„მაჟორიტარული საარჩევნო სისტემა ხელს არ უწყობს ქალთა არჩევას პარლამენტში. საპარლა¬მენტო არჩევნებში ქალებმა მაჟორიტარული სისტემით მანდატების მხოლოდ 9.5% მიიღეს მაშინ, როდესაც ამომრჩეველთა 53% ქალები არიანპროპორციული საარჩევნო სისტემის პირობებში შესაძლებელია სავალდებულო, დროებითი გენდერული კვოტების დაწესება პოლიტიკური პარტიებისთვის, რაც ხელს შეუწყობს ქალების რაოდენობის გაზრდას პარლამენტში“, – განუცხადა knews.ge–ს მიხეილ ბენიძემ. 

მმართველი პარტიის გადაწყვეტილებით, 2020 წლის საპარლამენტო არჩევნები ჩატარდება შერეული სისტემით. საპარლამენტო უმრავლესობის წარმომადგენლები საქართველოს პრემიერ–მინისტრთან ერთად შეთანხმდნენ, რომ მინიმალური ზღვარი, რომელიც პარტიებს პარლამენტში მოსახვედრად ესაჭიროება, 5–დან 3%–მდე დაიწევს.