შსს-მ გურჯაანში უკანონო იარაღი ამოიღო

უწყების ინფორმაციით, სამართალდამცველებმა, დაკავებულის კუთვნილი ავტომანქანის ჩხრეკისას, „MAUZER-WERKE A.G.OBERNDORF“-ის მოდელის არარეგისტრირებული ცეცხლსასროლი იარაღი მჭიდითა და 5 საბრძოლო ვაზნით ამოიღეს. 
შინაგან საქმეთა სამინისტროში აცხადებენ, რომ ბრალდებული ჩადენილ დანაშაულს აღიარებს. 
გამოძიება საქართველოს სსკ-ს 236-ე მუხლის მე-2 და მე-3 ნაწილით მიმდინარეობს რაც ცეცხლსასროლი იარაღის მართლსაწინააღმდეგო შეძენა-შენახვას და ტარებას გულისხმობს.