ვანო გალახვარიძე – სუბსიდია უნდა გაუქმდეს
„მევენახეობა-მეღვინეობის დარგში სახელმწიფომ უნდა შეწყვიტოს სუბსიდირება. უნდა მოხდეს შხამ-ქიმიკატების ხარისხის მკაცრი კონტროლი. ასევე, უნდა შეიქმნას ანტიმონოპოლიური სამსახური, რომელიც გააკონტროლებს შხამ-ქიმიკატების შემოტანას საზღვარზე”, – აცხადებს გალახვარიძე.
მისივე განცხადებით, სუბსიდირებიდან გამოთავისუფლებული თანხებით სახელმწიფომ უნდა შემოიყვანოს ტექნიკა, რომელიც შესაბამის სამუშაოებს შეასრულებს.
,,ფერმერს უნდა ჰქონდეს მაქსიმალური შესაძლებლობა, გაეცნოს უცხო ქვეყანაში საოჯახო მეურნეობების მიერ ღვინის წარმოების პროცესს. ეს ხელს შეუწყობს საოჯახო ბრენდების ჩამოყალიბებას. აუცილებელია, ჩატარდეს ღვინის ფესტივალები, სადაც ძირითადად მონაწილეობას მიიღებენ მცირე მეწარმეები, უცხოელი ინვესტორები და ბიზნესმენები, რომლებიც გაიცნობენ გლეხების მიერ წარმოებულ ღვინოს“, – ამბობს გალახვარიძე.