სამართალდამცავები ბექა ჯველაურის მკვლელს ეძებენ

ქალაქის ყველა შემოსასვლელს და გასასვლელს სამართალდამცავები აკონტროლებენ. knewsge-ს კორესპონდენტი ადგილიდან იუწყება, რომ პოლიცია აჩერებს და ჩხრეკს ყველა სახის ავტომანქანას.  ,,აჩერებენ მანქანებს, კერძო ტაქსებს, სამარშრუტო ტაქსებს და ამოწმებენ ვინ ზის ტრანსპორტში. რეიდი, სავარაუდოდ, წუხანდელ მკველობას უკავშირდება”, – იტყობინება knews.ge-ს კორესპონდენტი.

შსს-ს ინფორმაციით, თელავში მიმდინარეობს ღონისძიებები მკვლელობაში ბრალდებულის დასაკავებლად. წუხელ თელავის მუნიციპალიტეტის სოფელ კურდღელაურში 25 წლის ბექა ჯველაური ურთიერთშელაპარაკების ნიადაგზე მოკლეს. ახალგაზრდა მამაკაცი შემთხვევის ადგილზე გარდაიცვალა.

გამოძიება დაიწყო სისხლის სამართლის კოდექსის 108-ე მუხლით, რომელიც განზრახ მკვლელობას გულისხმობს.