სოფელ ზემო ალვანში პოლიციელს თავში ესროლეს

გავრცელებული ინფორმაციით, შემთხვევა მაშინ მოხდა, როდესაც სოფელ ზემო ალვანში პოლიცია გამოიძახეს. knews.ge-ს შინაგან საქმეთა სამინისტროში განუცხადეს, რომ დღეს საღამოს ახმეტის რაიონულ სამმართველოში შევიდა შეტყობინება, სოფელ ზემო ალვანში, ოჯახში ძალადობის ფაქტის შესახებ. 
“ახალგაზრდა მამაკაცმა ელიზბარ პ-მ შემთხვევის ადგილზე გასულ პოლიციელებს გაუხსნა ცეცხლი, რის შედეგადაც ერთ-ერთი სამართალდამცველი თავისა და გულმკერდის არეში დაიჭრა. სასწრაფო-სამედიცინო დახმარების სამსახურმა ის თელავის საავადმოყოფოში გადაიყვანა. მისი ჯანმრთელობის მდგომარეობა ამ დროისთვის მძიმეა”, – განუცხადეს knews.ge-ს შინაგან საქმეთა სამინისტროში. 
პოლიციელებმა ჩატარებული სპეცოპერაციის შედეგად ახალგაზრდა მამაკაცი უკვე დააკავეს. შსს-ს ინფორმაციით, გამოძიება მიმდინარეობს დამამძიმებელ გარემოებაში სსკ-ს 19-109-ე მუხლის მე-3 ნაწილის „ვ“ ქვეპუნქტით, რომელიც განზრახ მკვლელობის მცდელობას გულისხმობს.