მევენახეებს სეტყვისაგან მიყენებული ზარალი არ აუნაზღაურდებათ

,,ვისაც ვენახი დაზღვეული აქვს, სადაზღვევო კომპანიები აუნაზღაურებენ ზარალს. მათ, ვისაც ვენახები არ აქვთ დაზღვეული, კომპენსაციას ვერც ბიუჯეტიდან ვერ მივცემთ, რადგან საკმარისი თანხა არ გვაქვს“, – განუცხადა Knews.ge-ს ალექსანდრე შათირიშვილმა. 
22 ივლისს ძლიერი სეტყვის შედეგად თელავის რაიონის სოფელ ნაფარეულში 100 ჰექტარი ვენახი 60-80%-ით განადგურდა. სტიქიის შედეგად თელავის რაიონის სოფლები აკურა, ვანთა და კონდოლიც დაისეტყვა. ალექსანდრე შათირიშვილის განმარტებით, ამ სოფლებში ძლიერი სეტყვისგან მიყენებეული ზარალი 10-დან 25%-მდე მერყეობს.