გუბერნია ადმინისტრაციული სამსახურის უფროსის თანამდებობაზე კონკურსს გამოაცხადებს
როგორც უწყებაში აცხადებენ, სამსახურის უფროსმა, სოფია მიქელაძემ საკუთარი განცხადების საფუძველზე თანამდებობა 20 იანვარს დატოვა და სამუშაოდ თბილისში გადავიდა და მუშაობა სახელმწიფო სამხედრო სამეცნიერო-ტექნიკური ცენტრი „დელტა“-ში დაიწყო.
,,თბილისში ვაპირებდი დაბრუნებას. როგორც კი გამოჩნდა შესაძლებლობა და შესაბამისი სამსახური, დავწერე განცხადება წასვლაზე”,- განუცხადა Knews.ge-ს სოფია მიქელაძემ.
კახეთის გუბერნიის ადმინისტრაციაში აცხადებენ, რომ მოსამზადებელი ტექნიკური სამუშაოების შემდეგ, აღნიშნულ თანამდებობაზე კონკურსი გამოცხადდება.