თელავში ვაზაგაშვილების მკვლელობის ფაქტების დროულად გამოძიების მოთხოვნით აქცია გაიმართა
დღეს, არასამთავრობო ორგანიზაციამ ,,თელავი ჩემი ქალაქია” ზურა და იური ვაზაგაშვილის მკვლელობების ფაქტების დროულად გამოძიების მოთხოვნით საპროტესტო აქცია გამართა. აქციის მონაწილეებმა ლოზუნგით – ,,მე არ ვარ შარლი, მე ენუქიძე და ვაზაგაშვილი ვარ” საქართველოში წლების წინ მომხდარი ჯერ კიდევ გამოუძიებელი მკვლელობის ფაქტები გააპროტესტეს და მთავრობას აქტიურობისკენ მოუწოდეს:
,,ჩვენ შევუერთდით საქართველოს მოსახლეობის მოთხოვნას და მოვითხოვთ, რომ აღსდგეს სამართლიანობა და მოხდეს დროულად მამა-შვილი ვაზაგაშვილების მკვლელების დაკავება და სათანადოდ დასჯა. ჩვენი მოთხოვნაა, დროულად დაიწყოს აღნიშნული საქმეების გამოძიება”,- განუცხადა Knews.ge-ს ,,თელავი ჩემი ქალაქია” ხელმძღვანელმა თამარ ლაზარიაშვილმა.