წელს ყურძნის ფასი არ გაიზრდება

ღვინის ეროვნული სააგენტოს თავჯდომარე, ლევან დავითაშვილი და  კახეთის გუბერნატორი, ირაკლი შიოლაშვილი, სოფელ კურდღელაურში, მევენახეებს შეხვდნენ და რთველი 2014-ის შესახებ ისაუბრეს.

ღვინის ეროვნული სააგენტოს თავმჯდომარის, ლევან დავითაშვილის განცხადებით, უკვე დაიწყო  ახალი პროგრამა, რომელიც  ითვალისწინებს ყურძნის ისეთი ჯიშების გამრავლებას, რომელიც კახეთში ამ დრომდე მივიწყებული იყო:

,,ხელშეწყობის პროგრამის ფარგლებში მოხდება  ნერგების დარიგება იმ ბენეფიციარებზე, რომლებიც დაინტერესებული იქნებიან ყურძნის სხვადასხვა უნიკალური ჯიშების გამრავლებით. ნერგების დარიგება, სავარაუდოდ, შემოდგომაზე დაიწყება. წელს, კილოგრამი ყურძნის ფასი  1 ლარზე ნაკლები არ იქნება“.