გურჯაანში, გაზგასამართ სადგურზე აფეთქება მოხდა
გურჯაანში, თავისუფლების ქუჩაზე მდებარე გაზგასამართ სადგურზე აფეთქება მოხდა. შემთხვევას ძლიერი ხანძარი მოჰყვა.
ამ პერიოდში ადგილზე სადგურის პერსონალი და მომხმარებლები იმყოფებოდნენ. დაიწვა ავტომობილი, დაზიანდა გაზგასამართი სადგურის კონსტრუქცია. დაშავებულია ერთი ადამიანი, რომელიც გურჯაანის „ჯეოჰოსპიტალსის“ საავადმყოფოშია გადაყვანილი. ადგილზე მეხანძრე-მაშველები, სასწრაფო დახმარების ჯგუფები და პოლიცია იყო მობილიზებული.
მომხდარის მიზეზს გამოძიება დაადგენს. შემთხვევა რამდენიმე საათია წინ მოხდა.