საქართველოში 4 თვეში 1.4 მლნ ღირებულების ნაყინი შემოვიდა

ოთხ თვეში ქვეყანაში 1 მილიონ 424 ათასი დოლარის ღირებულების 263 ტონა ნაყინი შემოვიდა.

ოფიციალური სტატისტიკის მიხედვით, ნაყინის იმპორტი გასული წლის ამავე პერიოდთან შედარებით ღირებულებით 11.8%-ით გაიზარდა, თუმცა მოცულობით 2.7%-ით შემცირდა, ეს კი იმას ნიშნავს, რომ საერთაშორისო ბაზარზე ნაყინის ფასი გაზრდილია.

აღსანიშნავია, რომ ნაყინის შემოტანა მთავარი საიმპორტო ქვეყნიდან – თურქეთიდან და რუსეთიდან შემცირებულია, ხოლო უკრაინიდან საქონლის იმპორტი გაიზარდა. საერთო ჯამში, მიმდინარე წლის იანვარ-აპრილის პერიოდში ნაყინი სულ 11 ქვეყნიდან შევიძინეთ.

TOP 5 საიმპორტო ბაზარი კი ასე გამოიყურება:

თურქეთი – $437.2 ათასი, 85.57 ტონა;
უკრაინა – $418.7 ათასი, 94.29 ტონა;
საფრანგეთი – $142.8 ათასი, 20.08 ტონა;
გაერთიანებული სამეფო – $117.9 ათასი, 6.7 ტონა;
რუსეთი – $91.8 ათასი, 18.2 ტონა.