არასასურველი სარეკლამო SMS-ები 1-ლი მარტიდან აღარ მოგივათ
მიმდინარე წლის პირველი მარტიდან სარეკლამო შეტყობინებები წინასწარი თანხმობის გარეშე აღარ მოგივათ.
აღნიშნულ ცვლილებას პერსონალურ მონაცემთა დაცვის შესახებ ახალი კანონი ითვალისწინებს. კანონში შეტანილი მნიშვნელოვანი ცვლილებების შესახებ პუბლიკაციას “საერთაშორისო გამჭვირვალობა – საქართველო” (TI) აქვეყნებს.
ორგანიზაცია აღნიშნავს, რომ სარეკლამო შეტყობინებების მიღებაზე მიცემული თანხმობის უარყოფა პირს ნებისმიერ შემთხვევაში შეუძლია. მოთხოვნის მიღებიდან 7 სამუშაო დღის განმავლობაში მონაცემთა დამმუშავებელი ვალდებული იქნება შეწყვიტოს პირის მონაცემთა დამუშავება. ცვლილება 2024 წლის 1 მარტიდან ამოქმედდება.
კომპანია მაგთიკომმა უკვე აცნობა მომხმარებლებს, რომ იცვლება სარეკლამო შეთავაზებების მიღების წესები და მომხმარებელმა თავად უნდა დააფიქსიროს არის თუ არა თანახმა, მისი მონაცემები პირდაპირი მარკეტინგის მიზნით დამუშავდეს.